Trekking, guitar, games and much more

भारतात अस काय आहे की जे अमेरिकेत नाहीये???

मी डिसेंबर २००७ ते फेब २००८ ऑफिस च्या कामा निम्मित्ता अमेरिकेला गेलो होतो. तिथे असताना आम्ही मित्र मधेच घराची आठ्वन काढायचो. असाच एकदा बोलता बोलता विषय निघाला की अमेरिकेत तर सगळच आहे, अशी काहीच गोष्ट नाही जी अमेरिकेत नाही. माझ्या मित्राने असा प्रश्न चालता चालता मला विचाराला तेव्हा तिथे पाउस सुरु होता, त्यावर मी त्याला लगेच उत्तर दिला की अमेरिकेत पाउस पडल्यावर मातीचा सुंदर वास येत नाही :) आणि आम्ही दोघेही मोठयाने हसलो. नंतर आम्ही ऑफिस ला निघून गेलो, संध्याकाळी परत आल्यावर घरी बसलो, बाहेर पाउस पड़तच होता, काचेच्या मोठ्या खिडकीतुन मी बाहेर अमेरिकेतला पाउस बघत बसलो होतो. मनात परत सकाळच संभाषण आठवले.भारतात अस काय आहे की जे अमेरिकेत नाहीये, ह्या प्रश्नानी परत एकदा मनाचा ताबा घेतला.

डोळे पुसून माइक्रोवेव मधे चहा गरम करायला उठलो आणि हसू आले, कुठे तो सिंन्ह्गडा वरचा चुलिवर केलेला चहा आणि कुठे एसी किचनमधे केलेला माइक्रोवेव मधला चहा :P. परत खिडकीत येउन बसलो. परत विचार आला की ह्या सगल्या गोष्टी फ़क्त भारतात आहेत पण पावसाल्यात तसच बाकीच्या ऋतुंच्या पण गमती आहेतच की, पण ह्याहून पण खुप गोष्टी आहेत ज्या फ़क्त भारतात आहेत. आपल्याला देशाला समृद्ध संस्कृति आहे, आपल्या भुमित थोर स्वातंत्र्य सैनिक, थोर राजे आणि तितकेच थोर संत होउन गेले, आपल्याकडे अफाट साहित्य आहे, सुंदर कुटुंब व्यवस्था आहे, एकेमेकांची काळजी घेणारी जिव्हाल्याची मानसं आहेत, जिवाला जिव देणारे मित्र आहेत, नात्यांची घट्टा वीण आहे, उत्तम संस्कार आहेत आणि अशा अजूही खुप खुप गोष्टी आहेत त्याची लिस्ट किती मोठी होईल हे मलाही माहित नाही.

Labels: america, india

posted by Vinit @ 1:32 PM 5 comments